Les mots surlignés font l'objet d'une note
1Reçue à Grenoble, le 21 mars 1573.
2Monsieur, j’ay repceu la votre du XXIIIIe du passé et rendz grace à Notre Seigneur
3qu’estes toutz en bonne santé. Nous en sommes de mesmes par sa grace
4et mesmes noz enfens que se portent le mieulx qu’il est possible.
5Je vous es escript par ce devant par Me Jehan de Lavel. Je ne vous
6scaurons faire entendre le contentement que m’a esté de ce que m’avés
7escript de Bolthazar. Je prye à Notre Seigneur luy doint grace et à touz
8d’entendre des novelles de ceulx qui sont au campg de La Rochelle.
10Je prye à Nostre Seigneur les volloyr tenir en sa sainte garde et protection
11et luy plaise nous donner quelque bonne paix à son honneur et
12gloyre. Il est bruict en ce païs que toutes les Alemacgnes se
13lèvent contre nous. Je pence que c’est à cause de ce que vous
14escrivez du filz du comte pallatin pour favoriser le prince
15d’Orange. Je suis bien aisé de ce que sperés touchant St Sernin et
16ne puis penser que s’il est bien demonstré à sa Sainteté
17que vous vous en ressentirés et s’il plaict à Dieu ce mauvaix
18temps ne porra guières durer. Evènes le porroyt negotyer au
19pis haller fauldra faire de la terre le fonsse comme a esté
20tousiours l’oppignon de monsieur d’Apt et myenne. Nostre Seigneur
21conduyra le tout s’il luy plaict à son honneur et gloyre. Je n’ay
22nulles novelles de ceulx d’Oranges ne de monsieur de Caderousse.
23Je suis marrye et empeyne de ce que monsieur d’Hourches est allé
24à La Rochelle et m’assure que madame d’Hourches et ma filles
25en sont bien fachés. Je prye à Notre Seigneur le volloyr conduyre.
26Je feray en son endroict comme m’escrivés. Il y a quelques jours
27que monsieur de Rousset m’a escript de Montellimar que
28lenemy s’estoyt saizy du Pouysin. Ne fault que je vous dye
29la peyne et enuy enquoy j’en suis, vous la povés assés pensser.
30Notre Seigneur soyt loué de tout ce qu’il luy plaict nous mander
31[252v°] et luy plaise me consoller et vous donner sa grace, acompaigné de longue
32et contente vye. Je me recommande de fort bon cœur à la votre, sans oblyer
33celle de madame de Gordes. De Gargas, le VIIe jour de mars 1573.
34Vostre mère.
35Pierre de Ponteves